ОҚУ ӘДІСТЕМЕЛІК ЖҰМЫС

Әдістемелік жұмыстың міндеттері

Колледжде Мемлекеттік жалпы білім беру стандарт талаптарына сәйкес жасалатын білім беру бағдарламаларын әдістемелік қамтамасыз ету;

Оқытушылардың жаңа жұмыс жағдайындағы шығармашылық мүмкіндіктерін ашу, маман даярлаудағы озық тәжірибелерді зерттеу, жинақтау және тарату;

Колледждегі оқу-әдістемелік жұмыстарды үйлестіру, оқытушы-студент- жұмыс беруші үшжақты байланысты жетілдіру;

Оқу үдерісіне жаңа және қолданыстағы заманауи ақпараттық және педагогикалық технологияларды, бақылау — бағалау құралдарын, үздік оқытушылардың тәжірибелерін зерделеу, қорытындылау және енгізу

Баспасөз беттеріне, әдістемелік сайттарға оқытушылардың мақалаларын жариялауға бағыт- бағдар беру, оқу – әдістемелік жұмыстарын насихаттауды арттыру

Әдістемелік жұмыстың негізгі бағыттары

Колледждің әдістемелік қызметіне қатысу, облыстық, аймақтық және республикалық біліктілігін арттыру институттарында өз білімін жетілдіру арқылы біліктілігін арттыру

Оқу-әдістемелік кеңес

Жаңа білім беру технологияларын зерттеу және енгізу

Әдістемелік семинарлар, ғылыми-тәжірибелік конференциялар

Педагогикалық қызметкерлерді аттестаттау

Педагогикалық шеберлік байқауларға, пәндік олимпиадаларға қатысу

Жас педагог мектебінінің жұмысы

Педқызметкерлердің инновациялық жұмыс тәжірибесін зерттеу, жинақтау және тарату

Жас маман мектебі

«Жас маман» мектебі колледждегі педагог қызметкерлердің біліктілігін арттыру жүйесінің құраушы бөлігі болып табылады. «Жас маман» мектебі жұмысының мақсаты – педагогикалық тәлімгерлікті ұйымдастыру, оқытушыларға оқу сабақтарын дайындау және өткізуге, оқу-әдістемелік материалдарды және аудиториядан тыс іс-шараларды әзірлеуге көмек көрсету.

Міндеттері:

– жас маманның кәсіби құзыреттерін дамыту;
жас мамандардың колледждегі педагогикалық қызметке бейімделу үдерісін жылдамдату;
өзін-өзі кәсіби жетілдіру үшін жағдай жасау: ғылыми-әдістемелік деңгейін жоғарылату, педагогикалық шеберлігін арттыру;
жас мамандардың кәсіби қалыптасу жүйесін құру;
жоғары мектеп жағдайында жас мамандардың кәсіби өсуі мен тұлғалық дамуына қолдау көрсету;
тәжірибелі және жас мамандардың бірлескен педагогикалық қызметінде өнімді өзара байланысты қамтамасыз ету;
Қазақстандағы және шетелдегі жоғары кәсіби білім берудің даму тенденцияларымен, білім беру жүйесі қызметінің құқықтық және нормативтік негіздерімен таныстыру;
жоғары кәсіби білім берудің инновациялық аймағында білімді дамыту және өзектендіру;
жас мамандарды ТжКБ беру педагогикалық қызметтегі тәжірибелік дағдыларға баулу, дәстүрлі және жаңа педагогикалық технологияларды игерулеріне жағдай жасау;
тәжірибелі оқытушылардың педагогикалық шеберлігін кеңінен тарату (насихаттау);
оқу үдерісіндегі кәсіби, әдістемелік мәселелерді анықтау, оларды шешуде жас педагогтерге көмек көрсету;

Жұмыс бағыттары

Оқытудың мазмұнын, формасын, әдістерін және құралдарын жетілдіру бойынша жас мамандардың жұмысын ұйымдастыру
Жас мамандарға жетекшілік ететін тәлімгерлердің тәжірибе беру формасы ретінде ашық сабақтарын талдау
Оқу бағдарламалары, пәннің оқу-әдістемелік кешендерін әзірлеуде көмек көрсету
Жаңа педагогикалық технологиялар және заманауи тәсілдерді оқу үдерісіне енгізуде жас мамандарға көмектесу
Қазіргі заманғы білім беру мәселелері бойынша ғылыми-әдістемелік жұмысты ұйымдастыру және өткізу
Әдістемелік семинарлар, шебер-сыныптар, көрмелер, конференциялар өткізу
Оқу сабақтарына мақсатты түрде өзара қатысу, нәтижелерін талдау
Ашық сабақтардағы жұмыс тәжірибесін практикамен байланыстыра отырып баяндау және жеткізу
Жаңа әдістемелік әдебиеттермен танысу және зерделеу
Әдіскермен жеке және топтық кеңестер

Жұмыстың ұйымдастырылуы

«Жас маман» мектебінің құрамына жас оқытушылар (жұмыс өтілі 3 жылға дейін), олардың тәлімгерлері, пән бірлестік комиссиясының төрағалары мен төрайымдары кіреді.
«Жас маман» мектебіне колледж әдіскері жетекшілік етеді.
«Жас маман» мектебінің жұмысын үйлестіру және құжаттарды жүргізу үшін жетекшінің орынбасары маман» мектебіндегі мәжіліс екі айда бір рет өткізіледі.

Сабақтың өту формалары:

– теориялық семинарлар;
– нұсқау-әдістемелік мәжілістер;
– практикумдар, мастер-кластар, тренингтер;
– дөңгелек үстел, пікірталас;
– ашық сабақтар;
– жеке кеңес беру.
«Жас маман» мектебінің қызметін бақылау колледждің ғылыми-әдістемелік кеңесінде жүзеге асады.

01
Құқықтары мен міндеттері

«Жас маман» мектебі тыңдаушыларының құқықтары:
– пәнді оқыту мәселелері бойынша мамандардан көмек алу;
– сабақ беруде қажет болған сұрақтар бойынша жекелей кеңес пен көмек алу;
– мектеп қызметін жетілдіру бойынша жұмыс жоспарына ұсыныстар енгізу;
«Жас маман» мектебінің тыңдаушыларының міндеттері:
– мектеп сабақтарына тұрақты қатысу;
– мектептің жеке жұмыс жоспарын орындау.
«Жас маман» мектебінің тәлімгерлерінің міндеттері:
– оқытылатын пәннің оқу бағдарламалары мен пәннің оқу-әдістемелік кешенін құрастыру барысында көмек көрсету;
– аудиториялық және зерттеу-тәжірибелік сабақтарына дайындалуға көмек көрсету;
– жас оқытушылардың сабағына қатысу және олардың сабақ жүргізуін талдау; жас оқытушының өздігінен білімін көтеруге көмектесу.

02

Ғылыми зерттеу жұмыстары

Ғылыми-зерттеу қызметі-колледж студенттері мен оқытушыларының негізгі жұмыс бағыттарының бірі. Ғылыми-зерттеу жұмысы білім беру процесін жетілдіруге және жаңғыртуға мүмкіндік береді, сондай-ақ оқытушылар құрамының да, болашақ мамандардың да ғылыми-әдістемелік құзыреттілігін арттырады.
Колледждің білім беру қызметінің маңызды құрамдас бөліктерінің бірі оқу-әдістемелік жұмыс болып табылады.
Оқу-әдістемелік жұмыс оқу процесінің оқу-әдістемелік бағытын қамтамасыз етуді, білім алушыларды оқытудың пайдаланылатын әдістері мен құралдарының тиімділігін жетілдіру мен арттыруды, педагогикалық тәжірибені зерделеу мен игеруді, педагогикалық ұжымның біліктілігін арттыруды, нұсқаулық-әдістемелік кеңестерді ұйымдастыруды, жас мамандарға практикалық көмек көрсетуді қамтиды

2025-2026 оқу жылына арналған әдістемелік кеңестің жұмыс жоспары

2026 жылғы 03 сәуір күні Қызылорда жоғары көпсалалы колледжінде «Ұстаз жолы – 2026» атты педагогтер арасында кәсіби байқау өткізілді. Аталған байқау мұғалімдердің кәсіби шеберлігін арттыруға, шығармашылық әлеуетін дамытуға және заманауи оқыту әдістерін насихаттауға бағытталды.
Байқауға барлығы 7 оқытушы қатысып, олар өздерінің педагогикалық тәжірибесін, жаңашыл идеяларын және сабақ беру шеберлігін көрсетті. Сайыс бірнеше кезеңнен тұрды: таныстыру, шығармашылық өнер көрсету және кәсіби шеберлік бойынша тапсырмалар. Аталған байқауға 7 оқытушы қатысты:
1. Ойданова Жансая Жаңабайқызы

2. Әбдіхани Жасұлан Бақытбекұлы

3.      Камал Әсел Нұрланқызы
4.      Махмут Гауһар Нұрғисақызы
5.      Дукенбаева Ақбота Ғарифоллақызы
6.      Әліпше Жансая Алмабекқызы
7.      Асатулла Саяш Исламқызы
       Сайыс барысында қатысушылар өздерінің педагогикалық тәжірибесін, жаңашыл идеяларын, сабақ беру шеберлігін және білім алушылармен жұмыс жүргізудегі тиімді әдіс-тәсілдерін көрсетті. Байқау бірнеше кезеңнен тұрып, қатысушылардың теориялық білімін, практикалық дағдыларын және шығармашылық қабілеттерін жан-жақты бағалауға мүмкіндік берді.
Сайыс кезеңдері:
1.      «Таныстыру кезеңі» – қатысушы өзі туралы және қызмет атқаратын ұжымын таныстырды (5 минутқа дейін).
2.      «Өнерлінің өрісі кең» – қатысушылар шығармашылық қабілеттерін (ән, би, көркем сөз және т.б.) көрсетті (3–5 минут).
3.      «Мамандығым – мақтанышым» кәсіби кезеңі:
o    «Менің педагогикалық қызметім» – қатысушылар өз пәні бойынша әдіс-тәсілдерін көрсететін панорамалық сабақ (10–15 минут) ұсынды;
o    «Білімді мұғалім» – педагогика, заң және білім саласына қатысты сұрақтарға жауап берді.
Байқаудың негізгі мақсаты – үздік педагогтерді анықтау, олардың тәжірибесін тарату, жас мұғалімдерге қолдау көрсету және білім сапасын арттыру.
Сайысқа әділ бағасын берген қазылар алқасы:

Сарбалаева А.Ш. – директордың тәрбие жұмысы жөніндегі орынбасары
Төлеген З.Д. – колледж әдіскері
Бисембаева Ш.С. – әкімшілік және кадрлық жұмыстар басқармасының бас маманы

Байқау қорытындысы бойынша:

І орын – Махмут Гауһар Нұрғисақызы
ІІ орын – Асатулла Саяш Исламқызы
ІІІ орын – Әбдіхани Жасұлан Бақытбекұлы

Қалған қатысушылар төмендегі номинациялармен марапатталды:

Камал Әсел Нұрланқызы – «Болашақтың жарқын ұстазы»
Дукенбаева Ақбота Ғарифоллақызы – «Заманауи сабақ шебері»
Ойданова Жансая Жаңабайқызы – «Жаңашыл жас педагог»
Әліпше Жансая Алмабекқызы – «Ізденімпаз ұстаз» номинацияларымен марапатталды.

Қызылорда қаласы, «Қызылорда жоғары көпсалалы колледжі» мен «Қызылорда облыстық білім басқармасының» Қызылорда облыстық оқу орталығы (Әдістемлік кабинет) арасында 2026 жылдың 18 ақпанында «Білім беру жүйесінде ЖИ: мүмкіндіктер мен тәуекелдер» тақырыбында облыстық ТжКББ ұйымдары оқытушылары арасында ғылыми – тәжірибелік конференция мәжіліс залында сағат 10:00 де офлайн және онлайн (Zoom платформасы) форматында бірлесіп өткізілді.
    Конференцияға ТжКББ ұйымдары «Қазалы аграрлы-техникалық колледжі» КМҚК, «Болашақ жоғары медициналық колледжі», Қызылорда жоғары көпсалалы колледжі, Шиелі индустриалды –аграрлық колледжі, «Болашақ» университетінің жоғары колледжі, «Арал көпсалалы колледжі» КМҚК, "М.Саламатов атындағы Қызылорда қызмет көрсету және сервис колледжі", «Академик С.А.Джиенкулов атындағы Байқоңыр жоғары колледжі», Арал индустриалды-техникалық колледжі,Текей батыр Қарпықұлы атындағы жоғары колледжі,С.Ысқақов атындағы Қызылорда құрылыс және бизнес колледждерінің оқытушыларының қатысты.
Конференцияның мақсаты:
     Техникалық және кәсіптік білім беру ұйымдары оқытушылары арасында жасанды интеллект (ЖИ) технологияларын білім беру жүйесіне енгізудің мүмкіндіктері мен шектеулерін талқылау, тәжірибе алмасу және заманауи педагогикалық үдерістерде ЖИ-ді тиімді қолдану бағыттарын айқындау.
   Конференцияның барысында білім сапасын арттырудағы ЖИ-дің мүмкіндіктері, білім алушылардың жеке оқу траекториясын қалыптастыру, оқу процесін автоматтандыру және талдау құралдары, педагог қызметінің трансформациясы, дербес деректерді қорғау және ақпараттық қауіпсіздік сияқты маңызды бағыттар жан-жақты қарастырды.
     Конференция жұмысы пікірталас, сұрақ-жауап және тәжірибе алмасу форматында ұйымдастырылып, қатысушылар арасында кәсіби диалог орнады.
Іс-шараға барлығы 30 оқытушы қатысты, оның ішінде 12 қатысушы Zoom платформасы арқылы онлайн форматта қосылды. Бұл конференцияның ашықтығын, қолжетімділігін және аймақтық қамтылу аясында кеңейтілді.
Қатысушылар төмендегі білім беру ұйымдарынан болды:
1.      Шиелі индустриалды-аграрлық колледжі
2.      Болашақ университетінің жоғары колледжі
3.      Мұрат Саламатов атындағы Қызылорда қызмет көрсету және сервис колледжі
4.      Академик С.А. Джиенкулов атындағы Байқоңыр жоғары колледжі
5.      Болашақ жоғары медициналық колледжі
6.      Қазалы аграрлы-техникалық колледжі
7.      Текей батыр Қарпықұлы атындағы жоғары колледжі
8.      Арал көпсалалы колледжі
9.      Арал индустриалды-техникалық колледжі
10. Смағұл Ысқақов атындағы Қызылорда құрылыс және бизнес колледжі
11. Қызылорда жоғары көпсалалы колледжі
      Сөйлегендер: Әділқазылар Облыстық білім басқармасы Облыстық оқу орталығы (Әдістемелік кабинет) Техникалық және кәсіптік білім беру бөлімі әдіскері Бексейтова Жанат Мнажовна, Қызылорда Ашық Университеті аға оқытушысы, техникалық ғылымдарының магистрі Ибрагимова Еркеназым Ибрагимқызы, №7 мектеп-лицейі информатика пәні мұғалімдері, педагог-зерттеушілер Оспанова Асель Абдугапбаровна және Дусбаева Нуржамал Пирназаровна алқасы қатысушылардың тақырыпқа сай, презентациялары бағалау шарттарына сәйкес ұсынылған баяндамалардың ғылыми-әдістемелік деңгейіне, практикалық маңыздылығына және инновациялық сипатына баға беріп, қатысушыларға кәсіби ұсыныстар мен әдістемелік бағыт-бағдар ұсынғаны жұмыстарды бағалады.Конференция қорытындысы бойынша әділқазылар алқасының шешімі негізінде жеңімпаздар төмендегідей анықталды:
І орын – Смағұл Ысқақов атындағы Қызылорда құрылыс және бизнес колледжінің оқытушысы Абишова Айсұлу Демеуовна;
ІІ орын – Қызылорда жоғары көпсалалы колледжінің оқытушысы Бедебекова Салтанат Нұрболатқызы;
ІІІ орын – Шиелі индустриалды-аграрлық колледжінің оқытушысы Дайракулова Гульмира Таубаевна.
Қалған қатысушыларға арнайы сертификаттармен табысталды.

     Өткізілген облыстық ғылыми-тәжірибелік конференция өңір педагогтерінің кәсіби ынтымақтастығын нығайтуға, инновациялық білім беру технологияларын енгізуге, жасанды интеллект құралдарын тиімді және жауапты қолдану мәдениетін қалыптастыруға, сондай-ақ педагогтердің цифрлық және ЖИ-құзыреттіліктерін дамытуға маңызды серпін бергені айтылды.

Конференция тәжірибесін өңірлік деңгейде тарату мақсатында үздік баяндамалар жинағын/электронды материалдарын (баспаға) жарияланып шықсын, колледждің ресми ақпараттық ресурстарында /инстаграм, фейсбук/ ұсынылды.

2025 жылғы 19 қараша күні Қызылорда қаласында Қызылорда жоғары көпсалалы колледжінде «Жасанды интеллект: Болашақ бүгіннен басталады» тақырыбында колледжішілік білім алушылар арасында ғылыми–тәжірибелік конференция өткізілді.
      Апталық барысында ұйымдастырылған іс-шара 405 кіші мәжіліс залында сағат 10:00-де ұйымдастырылды. Конференцияға колледж әкімшілігі, әдістемелік бөлім, пән оқытушылары, жетекшілер және білім алушылар қатысты.
        Конференцияның мақсаты – білім алушыларды ғылыми-зерттеу қызметіне тарту, олардың зияткерлік-шығармашылық әлеуетін дамыту, сондай-ақ жасанды интеллект құралдарын оқу үдерісінде қолдану мүмкіндіктерін көрсету болып табылады.
   Оқу әдістемелік жұмыстары жөніндегі орынбасары Ахметова К.Н. конференцияның негізгі мақсаты – білім алушыларды зерттеушілік қызметке тарту, ғылыми-зерттеушілік және зияткерлік-шығармашылық әлеуетін дамыту, жасанды интеллект құралдарын оқу үдерісіне интеграциялау мүмкіндіктерін көрсету екендігі атап өтті.
Конференция жұмысы екі бағыт бойынша өткізілді:

I бағыт: Арнайы пәндерді оқытудағы инновациялық әдістер: дәстүрлі оқытудан цифрлық әлемге;
II бағыт: Жалпы білім берудегі цифрлық технологиялар және жасанды интеллект.

     Әділқазылар алқасы бағалау шарттарына сәйкес (тақырыптың өзектілігі, мазмұн сәйкестігі, мақсат-міндеттердің нақтылығы, теориялық-практикалық маңыздылық, ғылыми стиль, дәлелді деректер, сұрақтарға жауап беру деңгейі, баяндама/презентация сапасы) жұмыстарды бағалады.
І бағыт бойынша баяндамалар:
1.«Ақылды ғимарат құрылыс саласында» – Карашаева Анель, СТР-24о (жетекші: Дүйсенбаева Динара Сұлтанханқызы)
2.«Жасанды интеллект және биоқауіпсіздік: ветеринариялық тәжірибедегі жаңа бағыт» – Жақыпова Аружан Жалғасқызы, В-24о (жетекші: Махмут Гауһар Нұрғисақызы)
3. «Ұн өндірісінің технологиясы және жасанды интеллектіні қолдану мүмкіндіктері» – Керимбердиев Бейбіт, РВ-24о (жетекші: Дүкенбаева Ақбота Гарифуллақызы)
4. «Цифрлық білім беру кеңістігінде бастауыш оқытудың инновациялық модельдері» – Әбілқайыр Карина Берікқызы, НО-24о (жетекші: Төлешова Мархабат Ержанқызы)
5. «Жасанды интеллект арқылы оқытудың жаңа мүмкіндіктері» – Дөнесова Аяулым, НО-24о (жетекші: Бегимбаева Ботагоз Сулейменовна)
6. «Бағдарламалауды оқытудағы Gamification (ойын элементтерін қолдану) тиімділігі» – Ешепетова Жұлдызай, ВТ-23о-3 (жетекші: Бекмұрат Асыларай Тамдыбекқызы)

ІІ бағыт бойынша баяндамалар:
1.      «Физикада PHET, ELFIZIKA, BILIMLAND платформалары арқылы онлайн зертханалық жұмыстар жасау» – Ғазиз Айғаным, НО-25о (жетекші: Әліпше Жансая Алмабекқызы)
2.      «Шыңғысхан империясы және оның мұрагерлері» тақырыбын жасанды интеллект арқылы меңгеру – Серік Мирас Сүлейменұлы, ТОРА-25о (жетекші: Ойданова Жансая Жаңабайқызы)
3.      «Нейронные сети: Понимание и влияние в современном мире» – Ұзақбай Аяла Нұрлыбекқызы, ФиС-25о (жетекші: Султанова Нагима Кенжегуловна)
4.      «Қоқысты басқарудағы цифрлық шешімдер мен жасанды интеллект» – Төрехан Нұрай Қыдырбайқызы, НО-25о (жетекші: Төлеген Зухра Дамирқызы)
5.      «Болашақ кейіпкерлер: әдебиеттегі жасанды интеллекттің көрінісі» – Қоңырбаева Аружан, НО-25о (жетекші: Қазиева Жадыра Борсыкбаевна)

Сөйлегендер: Жетекшілер мен әділқазы Тұрар Рысқұлов атындағы №222 орта мектептің Физика пәнінің оқытушысы Кенжеев Ержан Султанбекович алқасы қатысушылардың баяндамалары тақырыпқа сай, өзекті және тәжірибелік маңызы бар екенін атап өтті. Білім алушылардың жасанды интеллект құралдарын оқу мен жобалық жұмыста қолдану дағдыларының қалыптасып келе жатқаны, презентация және ғылыми баяндау мәдениетінің жақсарғаны айтылды.
    «Жасанды интеллект: Болашақ бүгіннен басталады» тақырыбындағы колледжішілік ғылыми–тәжірибелік конференция жоспарға сәйкес өткізілді деп есептелсін.
Әділқазылар алқасының шешімі негізінде жеңімпаздар төмендегідей анықталды:
І бағыт бойынша
I орын – Әбілқайыр Карина Берікқызы (НО-24о)
Тақырыбы: «Цифрлық білім беру кеңістігінде бастауыш оқытудың инновациялық модельдері»
II орын – Ешепетова Жұлдызай (ВТ-23о-3)
Тақырыбы: «Бағдарламалауды оқытудағы Gamification тиімділігі»
III орын – Дөнесова Аяулым (НО-24о)
Тақырыбы: «Жасанды интеллект арқылы оқытудың жаңа мүмкіндіктері»

ІІ бағыт бойынша:

I орын – Төрехан Нұрай Қыдырбайқызы (НО-25о)
Тақырыбы: «Қоқысты басқарудағы цифрлық шешімдер мен жасанды интеллект»
II орын – Ғазиз Айғаным (НО-25о)
Тақырыбы: «Физикада PHET, ELFIZIKA, BILIMLAND платформалары арқылы онлайн зертханалық жұмыстар жасау»
III орын – Қоңырбаева Аружан (НО-25о)
Тақырыбы: «Болашақ кейіпкерлер: әдебиеттегі жасанды интеллекттің көрінісі»

Жеңімпаздар I, II, III дәрежелі дипломдармен, ал қатысушылар Алғыс хаттармен марапатталып, ұсынылды.