Қазақстандық мәдениет құндылықтары негізінде азаматтық жауапкершілік пен патриотизм, парасаттылық пен адалдық, ар-ұждан, рухани-адамгершілік қасиеттерін бойына сіңірген, үйлесімді дамыған тұлға қалыптастыру.

Рухани-адамгершілік қасиеттерді тәрбиелеу:
·отанға, өз халқына, оның тарихы мен мәдениетіне деген сүйіспеншілікті қалыптастыру;
· Қазақстан Республикасының Мемлекеттік рәміздерін құрметтеуге тәрбиелеу;
· адалдық, әділдік, мейірімділік, ар-ұят пен қамқорлық, қайырымдылық және басқа да адамдық қасиеттерді дамыту;
·табиғатқа және қоршаған ортаға ұқыптылықпен қарауға тәрбиелеу.
Азаматтық жауапкершілік пен патриотизмді дамыту:
· елінің жетістіктері үшін мақтаныш сезімін ұялату;
· отбасы, қоғам және мемлекет алдындағы өз міндеттеріне саналы көзқарас қалыптастыру;
· Өз құқығы мен бостандығы, сондай-ақ басқа адамдардың құқықтары мен бостандықтарын қорғауға дайын болуға баулу;
· әлеуметтік маңызы бар қызметке белсенді қатысуға тәрбиелеу.
Парасаттылық пен адалдықты қалыптастыру:
· басқалармен қарым-қатынаста адал әрі әділ болуға және әдептілік нормаларын ұстануға тәрбиелеу;
· өз іс-әрекеттері мен сөздері үшін жауапкершілікті түсінуге тәрбиелеу;
· еңбексүйгіштік пен өзін-өзі жетілдіруге деген ұмтылысын қалыптастыру;
· біреудің еңбегі мен мүлкін құрметтеуге тәрбиелеу.
· Білім алушының жеке басының үйлесімді дамуы үшін жағдай жасау:
· әрбір білім алушыны тәрбиелеу мен оқытуда даралау мен саралау тәсілдемелерін қамтамасыз ету;
· білім беру ортасында жағымды психологиялық-педагогикалық ахуал қалыптастыру;
· ерекше білім беру қажеттіліктері бар балаларға қолдау көрсету;
·отбасын білім беру ұйымдарындағы тәрбие процесіне тарту.

· Білім беру процесінің барлық қатысушыларының өзара іс-қимылын көздейтін біртұтас тәсілдеме
· Білім алушылардың мүдделері мен қажеттіліктерінескере отырып, вариативтік
· бағдарламаларды әзірлеу
· Сынып-кураторлық жүйе шеңберінде құндылықтарды қалыптастыру, яғнисынып сағаттары мен сыныптан тыс іс-шаралар
· Бағдарламаның құндылық бағдарларына сәйкес жалпы іс-шаралардың мазмұнын кеңейту
· Тәрбие процесіне отбасы мен қоғамдық ұйымдарды тарту
·Бағдарламаны іске асыруды тұрақты ішкі бақылау және тиімділігін бағалау

Қыркүйек – еңбекқорлық және кәсіби біліктілік айы;
Қазан айы – тәуелсіздік және отаншылдық айы;
Қараша айы – әділдік және жауапкершілік айы;
Желтоқсан – бірлік және ынтымақ айы;
Қаңтар – заң және тәртіп айы;
Ақпан – жасампаздық және жаңашылдық айы;
Наурыз – тәуелсіздік және отаншылдық айы;
Сәуір – еңбекқорлық және кәсіби біліктілік айы;
Мамыр – бірлік және ынтымақ айы.