«Білім беру жүйесінде жасанды интеллект: мүмкіндіктері мен тәуекелдер»
Қызылорда жоғары көпсалалы колледжі базасында облыстық оқу-әдістемелік орталығымен бірлесіп, техникалық және кәсіптік білім беру ұйымдарының педагогтері арасында «Білім беру жүйесінде жасанды интеллект: мүмкіндіктері мен тәуекелдер» тақырыбында облыстық ғылыми-тәжірибелік конференция өткізілді. Аталған іс-шара өңірдегі техникалық және кәсіптік білім беру жүйесін цифрландыру, инновациялық технологияларды енгізу және педагогтердің кәсіби құзыреттілігін арттыру бағытындағы жүйелі жұмыстардың жалғасы болып табылады. Конференцияның мақсаты: техникалық және кәсіптік білім беру ұйымдары оқытушылары арасында жасанды интеллект (ЖИ) технологияларын білім беру жүйесіне енгізудің мүмкіндіктері мен шектеулерін талқылау, тәжірибе алмасу және заманауи педагогикалық үдерістерде ЖИ-ді тиімді қолдану бағыттарын айқындау.
Конференцияның барысында: • білім сапасын арттырудағы ЖИ-дің мүмкіндіктері; • білім алушылардың жеке оқу траекториясын қалыптастыру; • оқу процесін автоматтандыру және талдау құралдары; • педагог қызметінің трансформациясы; • дербес деректерді қорғау және ақпараттық қауіпсіздік сияқты маңызды бағыттар жан-жақты қарастырылды. Конференция жұмысы пікірталас, сұрақ-жауап және тәжірибе алмасу форматында ұйымдастырылып, қатысушылар арасында кәсіби диалог орнады. Іс-шараға барлығы 30 оқытушы қатысты, оның ішінде 12 қатысушы Zoom платформасы арқылы онлайн форматта қосылды. Бұл конференцияның ашықтығын, қолжетімділігін және аймақтық қамтылу аясын кеңейтті.
Қатысушылар төмендегі білім беру ұйымдарынан болды: • Шиелі индустриалды-аграрлық колледжі • Болашақ университетінің жоғары колледжі • Мұрат Саламатов атындағы Қызылорда қызмет көрсету және сервис колледжі • Академик С.А.Джиенкулов атындағы Байқоңыр жоғары колледжі • Болашақ жоғары медициналық колледжі • Қазалы аграрлы-техникалық колледжі • Текей батыр Қарпықұлы атындағы жоғары колледжі • Арал көпсалалы колледжі • Арал индустриалды-техникалық колледжі • Смағұл Ысқақов атындағы Қызылорда құрылыс және бизнес колледжі • Қызылорда жоғары көпсалалы колледжі Сарапшылар құрамы: • Облыстық білім басқармасы облыстық оқу орталығы (Әдістемелік кабинет) ТжКББ бөлімінің әдіскері Бексейтова Жанат Мнажановна; • Қызылорда Ашық Университеті аға оқытушысы, техникалық ғылымдарының магистрі Ибрагимова Еркеназым Ибрагимқызы; • №7 мектеп-лицейі информатика пәні мұғалімдері, педагог-зерттеушілер Оспанова Асель Абдугапбаровна және Дусбаева Нуржамал Пирназаровна. Сарапшылар ұсынылған баяндамалардың ғылыми-әдістемелік деңгейіне, практикалық маңыздылығына және инновациялық сипатына баға беріп, қатысушыларға кәсіби ұсыныстар мен әдістемелік бағыт-бағдар ұсынды. Қорытынды нәтижелер: Конференция қорытындысы бойынша: • І орын – Смағұл Ысқақов атындағы Қызылорда құрылыс және бизнес колледжінің оқытушысы Абишова Айсұлу Демеуовна; • ІІ орын – Қызылорда жоғары көпсалалы колледжінің оқытушысы Бедебекова Салтанат Нұрболатқызы; • ІІІ орын – Шиелі индустриалды-аграрлық колледжінің оқытушысы Дайракулова Гульмира Таубаевна. Қалған қатысушыларға арнайы сертификаттар табысталды. Өткізілген облыстық ғылыми-тәжірибелік конференция өңір педагогтерінің кәсіби ынтымақтастығын нығайтуға, инновациялық білім беру технологияларын енгізуге, жасанды интеллект құралдарын тиімді және жауапты қолдану мәдениетін қалыптастыруға, сондай-ақ педагогтердің цифрлық және ЖИ-құзыреттіліктерін дамытуға маңызды серпін берді. Конференция нәтижелері алдағы уақытта білім беру ұйымдарында ЖИ технологияларын жүйелі және әдістемелік тұрғыда енгізуге негіз болады.